Дали размислувате за освежување на постоечки или нов канцелариски простор? Ако одговорот е „ДА“, веќе знаеме со какви предизвици се соочувате. Главната дилема е - како да создадеме работна средина што ќе биде привлечна, а истовремено, практична?
Тука канцеларискиот мебел игра клучна улога – самиот избор на канцелариски мебел преставува многу повеќе од само естетика. Всушност, вие правите инвестиција во здравјето и продуктивноста на вашите вработени, како и во професионалниот имиџ на компанијата.
Затоа, во овој блог пост, ви нудиме практични совети за планирање на канцелариски мебел, како и детална контролна листа која ќе ви помогне да го направите вистинскиот избор за вашите потреби.
Целта ни е да ви помогнеме во одлуката и создавањето на функционално и инспиративно работно опкружување.
Зошто Планирањето на Канцеларискиот Простор е Важно?
Пред да започнете со купување, неопходно е да го разберете самиот канцелариски простор и зошто планирањето е клучно.
Добро испланираниот простор со ергономски и функционален мебел ги олеснува движењата, ја зголемува удобноста, ги прави вработените продуктивни, а со тоа, и ги намалува непотребните одолговлекувања во работата. Затоа што, кога на вработените им е удобно, тие се повеќе фокусирани и значително поефикасни.
Самото седење во канцеларијата може да предизвика значителни проблеми со грбот, вратот и зглобовите. Затоа, со одбирање на ергономски столчиња и прилагодливи бироа, не само што ја покажувате грижата за здравјето на тимот, туку и спречувате сериозни повреди кои може да настанат од неправилно држење на телото.
Тука повторно ќе ги спомнеме професионален имиџ и брендирање на фирмата. Мебелот во канцелариите е рефлексија на корпоративниот идентитет и вредностите кои ги поставувате како компанија. Современиот, квалитетен и добро уреден простор остава силен прв впечаток кај клиентите и соработниците.
Планирање Пред Купување - Клучни чекори
За да избегнете непотребни грешки при набавката на канцелариски мебел, најпрвин, одговорете ги следниве прашања:
Колку вработени имате во тимот?
Дали поголемиот дел од работата е индивидуална или тимска?
Дали ви требаат простории за состаноци, соби за пауза или места за неформални разговори?
Овие одговори ќе ви помогнат да одредите колку бироа, столици, простор за складирање и друг мебел ви е потребен.
Потоа, одредете колкав буџет имате на располагање и купувајте паметно. На пример, инвестирајте повеќе во квалитетни канцелариски столчиња и бироа, а за заедничките простории можете да размислите за поедноставни, но сепак функционални решенија.
Направете нацрт или план на просторот. Размислете за протокот на движење, природната светлина и соработката меѓу вработените. Функционалниот распоред ќе ви овозможи да го искористите секој агол од просторијата.
Најважно, размислувајте за иднината. Изберете канцелариски мебел кој може лесно да го адаптирате спрема условите за работење и тимот.
Контролна Листа за Набавка
Оваа листа ќе ви помогне да не заборавите на ниту еден детал при набавката на канцелариски мебел:
Работни Станици и Бироа
Дали бироата се доволно големи за компјутерска опрема, монитори и дополнителна опрема?
Дали имаат вградено решение за управување со кабли за да се избегне неред?
Дали е можно прилагодување на висината за да се овозможи и стоечка работа?
Канцелариски Столчиња
Дали се ергономски и ги поддржуваат грбот и вратот?
Дали имаат прилагодливи потпирачи за раце, висина и наклон?
Дали се изработени од квалитетни, издржливи материјали?
Простор за Складирање
Дали има доволно фиокари, полици и шкафчиња за документи и лични работи?
Дали се заклучуваат за заштита на доверливи документи?
Дали се вклопуваат во целокупниот дизајн на просторот?
Мебел за Заеднички Простории
Сали за состаноци: Маси и столчиња за удобни и продуктивни состаноци.
Простор за одмор: Удобен мебел како каучи и фотелји за релаксација.
Неформални состаноци: Високи маси и бар-столици за брзи, неформални разговори.
Мебел за Рецепција
Шалтер/биро за добредојде што остава силен прв впечаток.
Удобни столчиња или кауч за чекање.
Масички за списанија или други материјали.
Заклучок
Уредувањето на канцеларискиот простор е важен процес кој бара внимателно планирање, јасно дефиниран буџет и детална контролна листа. Преку инвестирање во квалитетен и функционален канцелариски мебел, вие инвестирате во продуктивноста, здравјето и успехот на вашата компанија.
КЛЕВЕР.МК е тука за да ви помогне да го направите вистинскиот избор. Нудиме широк асортиман на висококвалитетен канцелариски мебел кој ќе го трансформира вашиот работен простор.
Погледнете ја нашата понуда или закажете консултација со нашите експерти кои ќе ви помогнат да го испланирате просторот до најмал детаљ. Контактирајте нѐ уште денес и дозволете ни да го направиме вашето работно место уште подобро!